672

شوال کے چھ روزوں کی فضیلت واہمیت

اللہ عزوجل اپنے بندوں پر ہر آن مہر بان ہے،اپنی رحمتیں،نعمتیں بر ساتا رہتا ہے۔وہ بڑا کریم ہے کہ اس نے رمضان المبارک جیسا بابرکت مہینہ ہمیں عطا کیا۔روزہ،تلاوت قرآن،نوافل،صدقات وخیرات کی توفیق عطا فر مائی۔ اور ہمارے رزق میں وسعت وبرکت عطا فر مائی۔ جس کے سبب مسلمانوں کے اندر انسانی ہمدر دی اور غم خواری کے جذبات بیدار ہوئے ۔اس پر ہم اپنے مولیٰ کے بے حد شکر گزار ہیں۔ اس کا اظہار نماز عید الفطرمیں سجدہ شکر ادا کر کے کرتے ہیں۔
آپ بخوبی سمجھ سکتے ہیں کہ نماز شکرانہ وہی ادا کرتاہے جس نے نعمت کی قدر کی ہو۔ خاص طورسے رمضان المبارک کی بر کتوں کو سمیٹا ہو۔عید کا دن اللہ تعالیٰ کی نعمتوں کے اظہار کا اچھا موقع ہے۔لیکن کسی مسلمان کا دل نہیں دکھانا چاہیے ۔ عمدہ لباس پہننا ،عمدہ غذائیں کھانا ،خوشیاں بانٹنا آج کے دن کی زینت میں سے ہے۔اس کا اظہار ہونا چاہیے۔ساتھ ہی اپنے ان مسلمان بھائیوں اور پڑوسیوںکا خیال بھی کرنا چاہیے صدقہ فطر اور عیدی کے ذریعے۔تاکہ وہ بھی آپ کی خوشیوں میں برابر کے شریک ہو سکیں۔
آقا کریم ﷺ نے اللہ کی نعمتوںکے اظہار کے متعلق فر مایا:
”اِنَّ اللّٰہَ یُحِبُّ اَن یَری اَثَر نِع±مَتہ علٰی عَب±دِہِ“۔(جامع الترمذی،حدیث نمبر۹۱۸۲)
ترجمہ: اللہ اپنے بندے پر اپنی نعمت کا اثر دیکھنا چاہتا ہے۔
شوال کے چھ روزوں کی بہت فضیلت آئی ہے۔ مسلمانوں کو چاہیے کہ وہ اللہ کی رضا حاصل کرنے کے لیے شوال کے چھ روزے رکھے، جس میں فضل عظیم اور بہت بڑا اجرو ثواب ہے،کیونکہ جو شخص بھی رمضا ن المبارک کے روزے رکھنے کے بعد شوال المکرم میں بھی چھ روزے رکھے تو اس کے لیے پورے سال کے روزے کا اجر وثواب لکھا جاتا ہے۔
حضرت ابو ایوب انصاری رضی اللہ عنہ سے روایت ہے کہ رسو ل اللہ ﷺ نے فر مایا:”مَن± صَامَ رَمَضَانَ، ثُمَّ اَت±بَعَہُ سِتَّا مِن± شَوَّالِ کَانَ کَصِیَامِ الدَّھ±رِ۔(صحیح مسلم: حدیث،۸۵۷۲،کتاب الصیام،باب استجاب صوم ستة ایام من شوال)
تر جمہ: جس نے رمضان کے روزے رکھے، پھر اس کے بعد شوال کے چھ روزے رکھے تویہ پورے زمانے کے روزے رکھنے کی طرح ہے۔
واضح رہے کہ شوال کے چھ روزے رمضا ن ا لمبا رک کے روزوںکے ساتھ مشروط ہیں ،یعنی رمضان کے ساتھ زوال کے بھی چھ روزے رکھے جائیں تب پورے زمانے کا ثواب ملے گا۔ ایسا نہیں کہ رمضان کے روزے نہیں رکھے اور شوال کے چھ روزے رکھ لیے تو پورے زمانے کا ثواب ملے گا؟بلکہ رمضان کے بھی روزے رکھے پھر شوال کے رکھے۔تب یہ سعادت حاصل ہوگی۔
ایک دوسری حدیث پاک میںحضرت ابو ایوب انصاری رضی اللہ عنہ سے ہی روایت ہے،:
”سَمِع±تُ رَسُو±لَ اللَّّہِ صَلَّّی اللَّہُ عَلَی±ہِ وَسَلَّم± یََقُو±لُ مَن± صَامَ رَمَضَانَ وَسِتًّا مِن± شَوَّالِ فَکَاَ نَّّمَا صَامَ السَّنَةَ کُلَّھَا۔
تر جمہ: کہ میں نے رسول اللہ ﷺ کو یہ فر ماتے سنا: جس نے رمضان المبارک کے چھ روزے رکھے تو گویا اس نے پورے سال کے روزے رکھے۔
پہلی حدیث میں شوال کے چھ روزے رکھنے کو” پور ے زمانے کے روزے“ اور دوسری حدیث میں ”پورے سال کے روزے“ رکھنے کے مانند قرار دیا گیا ہے۔ایک نیکی کا کم ازکم اجر دس گنادیا جاتاہے۔ مسلمان جب رمضان المبارک کے پورے مہینے کے روزے رکھتا ہے ،توایک مہینے کے روزے دس مہینوں کے برابر بن جاتے ہیں۔اس کے بعد شوال کے چھ روزے رکھے جائیں تو یہ دو مہینے کے روزوں کے برابر ہو جا تے ہیں،گو یا رمضان اور اس کے بعد شوال کے چھ روزے پورے سال کے روزوں کے برابر ہو جاتا ہے۔
مذکورہ حدیث سے واضح طور پر یہ سمجھ میں آتا ہے کہ اس نے پورے سال کے روزوں کا ثواب پا لیا۔نیز اگر مسلمان کی زندگی کا یہی معمول بن جائے کہ وہ ر مضان المبارک کے ساتھ ساتھ شوال کے روزوں کو بھی مستقل رکھتا رہے تویہ ایسے ہی ہے جیسے اس نے پوری زندگی روزوں کے ساتھ گزاری ہو۔ لہٰذاہمیں ایسی فضیلت حاصل کرنے کی کوشش کر نی چاہیے۔
شوال کے چھے روزے جائز اور مستحب ہیں۔ فرض و واجب نہیں۔ ان نفلی روزوں کو رکھیں تو اجرو ثواب حاصل ہو گا، لیکن اگر کوئی نہ رکھے تو برا بھی نہیں سمجھنا چاہیے۔ایک مسلمان کا ہر عمل نبی کریم ﷺکی تعلیمات اور ہدایات کے مطابق ہو نا چاہیے۔
”رحمت حق©© بہانہ می جو ید“۔اللہ رب العزت اپنے بندوں پر بہت مہر بان ہے۔اللہ تعالیٰ کی رحمت تو بندوں کو بخشنے کا بہانہ ڈھونڈتی ہے۔بندہ نفلی عبادات بجا لاتا ہے ۔بظاہر چھوٹی چھوٹی نیکیاں اللہ کی پسند آتی ہیں اور بندے کی مغفرت فرما دیتا ہے ۔اس لیے ہمیں چاہیے کہ نیکیاں کرتے رہیں۔
اللہ عزوجل نے انسانوں کو عبادت کے لیے پیدا فرمایااور اللہ کی نبی ﷺ نے عبادت کے طریقے بتا ئے۔ فرائض و واجبات تو ہر حال میں ادا کر نا ہے ۔نہ کر نے پر سخت عذاب کی وعیدیں ہیں۔ اس کے علا وہ نفلی عبادات اورذکر الٰہی سے اللہ کا قرب حاصل ہوتاہے۔ذکر واذکار سے غم دور ہوتے ہیں۔ پریشا نیاں ختم ہوتی ہیں۔ان انعامات کے بعد اللہ کی محبتاور اس کی ہیبت دل میں جا گزیں ہوتی ہے۔دل کو تاز گی اور سکون ملتا ہے ۔دل کا زنگ اتر جا تا ہے ۔اللہ کی عبادت سے ہدایت نصیب ہوتی ہے۔ ارشاد باری تعالیٰ ہے:
”الَّذِی±نَ آمَنُوا± وَتَط±مَئِنُّ قُلُوبُہُم بِذِک±رِ اللّٰہِ اَلاَ بِذِک±رِ اللّٰہِ تَط±مَئِنُّ ال±قُلُوبُ“۔(سورہ رعد۳۱،آیت نمبر۸۲)
تر جمہ: وہ جو ایمان لائے اور ان کے دل اللہ کی یاد سے چین پاتے ہیں، سن لو اللہ کی یاد ہی میں دلوں کا چین ہے۔(کنزالایمان)
اللہ کے ذکر سے دلوں کوطبعی سکون و قرارحاصل ہوتا ہے۔ کثرت سے اللہ کی عبادت کر نے والوں ،والیوں کے لیے رب کائنات نے بخشش کے ساتھ اجر عظیم تیار کر رکھا ہے۔ار شاد باری تعالیٰ ہے۔
”فَاِذَافَرَغ±تَ فَا ن±صَب± وَاِلٰی رَبِّکَ فَار±غَب±۔
تر جمہ: تو جب نماز سے فارغ ہو تو دعا میں محنت کرو۔اور اپنے رب ہی کی طرف رغبت کرو۔(کنز الایمان) روزہ تزکیہ نفس کا بہترین ذریعہ ہے اس سے انسان کو اللہ عزوجل کی بے شمار رحمتیں ،نعمتیں نصیب ہو تی ہیں۔ شوال کے چھ روزوں کی فضیلت بہت زیادہ ہے ،عبداللہ بن عمر رضی اللہ عنہما سے روایت ہے کہ رسول اللہ ﷺ نے فرمایا: جس نے رمضان کے روزے رکھے پھر اس کے بعد چھ دن شوال میں رکھے تو گنا ہوں سے ایسا نکل گیا، جیسے آج ہی ماں کے پیٹ سے پیدا ہوا ہے۔(المعجم الاوسط ،حدیث۲۲۶۸ ،بحوالہ بہار شریعت حصہ پنجم،ص۳۱۰۱)
لہٰذاہمیں چاہیے کہ ان فضیلتوںوالے روزے رکھا کریں۔خاص طور سے شوال کے چھ روزوں کو رکھنے کی کوشش کریں۔ اللہ عزوجل کی یقینا رحمتیںنازل فر مائے گا۔ اللہ عزوجل ہمیںفرائض و واجبات کے ساتھ ساتھ نفلی عبادات کر نے کی تو فیق عطا فر مائے،آمین۔

یہ مصنف کی ذاتی رائے ہے۔
(اس ویب سائٹ کے مضامین کوعام کرنے میں ہمارا تعاون کیجیے۔)

Disclaimer: The opinions expressed within this article/piece are personal views of the author; and do not reflect the views of the Baidari.com. The Baidari.com does not assume any responsibility or liability for the same.


اس خبر پر اپنی رائے کا اظہار کریں

اپنا تبصرہ بھیجیں